Ein røð av veikum jarðskjálvtum var í Mýrdalsjøkli í Íslandi um fimmtíðina í morgun. Veðurstovan í Reykjavík sigur, at skjálvtarnir vóru umleið tíggju í tali, og at tað vóru 40 minuttir ímillum tann fyrsta og tann seinasta.
Veðurstovan sigur, at ta seinastu tíðina hava nakrar slíkar røðir av jarðskjálvtum verið í jøklinum og nakrir einstakir skjálvtar. Gjáramorgunin vóru tveir jarðskjálvtar í Mýrdalsjøkli. Teir vóru oman fyri trý stig á Richterstiganum.
