Í morgun klokkan 10 byrjaði árligi aðalfundurin hjá Føroya Skipara-og Navigatørfelag í Smærugøta 9A í Havn.
Á skránni er í fyrsta lagi frágreiðing formansins um virksemi í árinum sum fer, og tað verður Annfinnur Garðalíð, sum fer at greiða frá.
Roknskapur felagsins verður framlagdur til støðutakan, og á skránni verður eisini val av nevndarlimum, grannskoðara og ásetan av limagjaldi.
Á aðalfundinum hjá skiparum og navigatørum í dag verður eisini gestarøðari, sum hesaferð verður Annbjørg S. á Høvdanum, sálarfrøðingur.
Eftir aðalfundin, sum væntandi varar ein fittan part av degnum, verður nevndarfundur.
