Eitt brúgvalag við regni eystan fyri Føroyar flytir seg í ein vestan og kemur inn yvir Føroyar seint týsdagin. Síðani mennist eitt størri lágtrýstøki millum Írland og Ísland og brúgvaløg koma yvir Føroyar úr útsynningi.
Týsdagin verður eitt lot til andøvsgul úr eystri, sum snarar í ein landnyrðing, 2 til 7 metrar um sekundið. Skýggjað og út á dagin regn av eystri. Hitin millum 10 og 13 stig. Um náttina verður eitt gul til stívt andøvsgul frá eystri og landsynningi, 5 til 10 metrar um sekundið, í støðum upp í strúk í vindi, 13 metrar um sekundið. Skýggjað og regn meginpartin av tíðini og hitin millum 10 og 13 stig.
Mikudagin verður eitt gul til andøvsgul frá suðri til landsynning, 5 til 10 metrar um sekundið, sum makar niður í eitt lot til andøvsgul, 2 til 7 metrar um sekundið. Skýggjað og fyrst regn, men út á dagin turt og í støðum kanska sól. Hitin millum 10 og 15 stig. Um náttina eitt gul til stívt andøvsgul av landsynningi, 5 til 10 metrar um sekundið. Skýggjað og út á náttina regn. Hitin millum 10 og 13 stig.
Hósdagin verður eitt gul til stívt andøvsgul av suðri og landsynningi, 5 til 10 metrar um sekundið, sum øtlar upp í eitt andøvsgul upp í ein strúk av vindi, 8 til 13 metrar um sekundið. Fyrst skýggjað og regn, men út á dagin yvirhøvur turt og kanska sær sólin. Um kvøldið og náttina eitt andøvsgul upp í ein strúk av vindi úr suðri og landsynningi, 8 til 13 metrar um sekundið, í støðum upp í 15 metrar um sekundið. Skýggjað og sum frá líður regn Hitin alt samdøgrið millum 10 og 13 stig.
Fríggjadagin verður eitt andøvsgul upp í ein strúk av landsynningi og suðri, 8 til 13 metrar um sekundið. Skýggjað og kanska ælingur av og á, men í støðum sól. Hitin alt samdørið millum 10 og 13 stig.
Leygardagin verður eitt andøvsgul upp í ein strúk av suðri, 8 til 13 metrar um sekundið, sum seinni makar niður í eitt lot til andøvsgul, 2 til 7 metrar um sekundið, og snarar í ein landsynning. Turt og kanska nakað av sól. Hitin um dagin millum 10 og 13 stig. Um náttina eitt lot til andøvsgul av landsynningi, 2 til 7 metrar um sekundið, sum snarar í ein landnyrðing og øtlar til eitt gul til stívt andøvsgul, 5 til 10 metrar um sekundið. Skýggjað, men yvirhøvur turt. Hitin um 10 stig.
Sunnudagin verður eitt gul til stívt andøvsgul av landnyrðingi, 5 til 10 metrar um sekundið, sum øtlar upp í eitt stívt andøvsgul upp í hvassan vind, 10 til 15 metrar um sekundið, og snarar í ein landsynning og minkar seinni til eitt gul til stívt andøvsgul, 5 til 10 metrar um sekundið. Skýggjað og stundum regn ella ælaveður. Hitin millum 10 og 13 stig.
