Cristiano Ronaldo skal gjalda 140 milliónir krónur til sponsku mynduleikarnar, samstundis sum hann fær ein treytaðan dóm á tvey ára fongsulsrevsing. Ein revsing, sum Cristiani Ronaldo helst aldrin kemur at sita, tí sambært spanskari lóg, so skal tú ikki sita fyri dómar minni enn tvey ár, og ikki snúgva seg um harðskap.
Les eisini: Skattasvik - Fyrst Messi, nú Ronaldo
Portugisiska heimsstjørna skal hava snýtt í skatti fyri 109 milliónir krónur í árunum 2011 til 2014. Umboðsfelagið hjá heimsins besta fótbóltsspælara, Gestifute, hevur fyrr boðað frá, at skattamynduleikarnir hava fingið allar upplýsningar, og einki ólógligt er farið fram.
Tað er illgruni um, at hann skal hava fjalt inntøkur, sum hann hevur fingið uttanfyri fótbóltsfelagið hjá sær, Real Madrid. Tá er talan um merkið hjá honum “CR7”. Í ákæruni stendur at Cristiano Ronaldo visti um skattasvikið.
Cristiano Ronaldo er ikki einsamallur um at verða tikin, tí Lionel Messi hevur eisini fingið bæði bót og treytaðan dóm.
