Teir á Skála eru av álvara farnir undir at brynja seg til setningin í 2021, sum er aftur at vinna plássið í bestu deildini.
Nógvir av ungu og evnaríku spælarunum hava skrivað undir uppá, at teir eisini í 2021 fara at spæla við barndómsfelagnum á Skála, stutt undan jólum skrivaði ársins profilur í 2020, Niels Pauli Danielsen, undir nýggjan sáttmála, og á ársins síðsta degi boðaði Skála frá, at tveir aðrir týdningarmiklir spælarar hava skrivað undir, og at tað ber við sær, at teir í 2021 og eisini í 2022, tá ið teir á Skála vóna aftur at vera í fremstu ræði, hava skrivað undir.
Talan er um liðformannin Pætur Dam Jacobsen og um Jónhard Frederiksberg, sum í summar aftur varð partur av besta liðnum, eftir at hann á heysti í 2019 var givin.
38 ára gamli Pætur Dam Jacobsen hevur sambært faroesoccer.com spælt 363 dystir í bestu deildini, 60 dystir í steypakappingini, 14 dystir í Europa og tríggjar landsdystir.
40 ára gamli Jónhard Frederiksberg hevur spælt 398 dystir í bestu deildini, 48 steypadystir, 14 dystir í Europa og 14 landsdystir.
Á facebook siga teir í Skála Ítróttarfelag, at teir báðir, Pætur og Jónhard, umframt virknan leiklut sum leikarar eru báðir virknir í felagnum á ymsan hátt, og at tað verður fegnast um, at hesir garparnir eru sinnaðir at taka eitt tak við felagnum aftrat í komandi kappingarári.
