Tveir dystir í næstbestu fótbóltsdeildini hjá monnum eru á skránni seinnapartin. Leygardagin var 8. umfar, men bara tríggir dystir vórðu spældir. Tveir dystir vórðu útsettir. Tað komst av, at tvey av liðunum í deildini síðsta sunnudag spældu fjórðingsfinalu í kappingini um løgmanssteypið.
Nú hava Skála og FC Suðuroy bara landskappingina at hugsa um. Liðini eru í tættari kapping um pláss í bestu deildini, og í dag eru tey bæði á útivølli. FC Suðuroy skal spæla í Gundadali ímóti teimum næstbestu hjá B36, og Skála skal um Gøtueið at spæla ímóti teimum næstbestu hjá Víkingi.
9. umfar verður spælt í vikuskiftinum. Tá vera tveir dystir leygardagin og tríggir sunnudagin.
8. umfar í dag
B36-FC Suðuroy: Súni Fríði Barbá kl. 15.00
Víkingur-Skála: Alex Troleis kl. 15.00
Støðan
B68 20 stig
HB 16 stig
Skála 13 stig
FC Suðuroy 13 stig
KÍ 10 stig
TB 10 stig
B36 8 stig
Víkingur 7 stig
EB/Streymur 6 stig
B71 4 stig
Skála, FC Suðuroy, B36 og Víkingur hava spælt 7 dystir, og hini liðini hava spælt 8 dystir.
Mynd: b68.fo Sandri Gerðisá
