1. deild: Við 1-0 sigri á útivølli ímóti teimum næstbestu hjá NSÍ hevur Skála lyft seg fram á 5. plássið. Í kvøld varð punktum sett fyri 9. umfar í næstbestu fótbóltsdeildini. Síðsti dysturin var við Løkin í Runavík, har NSÍ hevði vitjan av grannunum av Skála.
Gestirnir fóru til hús við øllum stigunum. Einasta málið varð skorað fýra minuttir undan hvíldini av Briani Jacobsen, sum úr spískum í høgru sendi bóltin framvið Pæturi Høj, sum er nýggjur millum NSÍ stólparnar, eftir at Kristian Joensen er farin at hjálpa til vesturi í Vágum.
NSÍ trýsti stóran part av 2. hálvleiki, men Skála verjan við liðformanninum Teiti R. Joensen sum aftasti manni var stinn, og Suni Ernstsson í Skála málinum var ongantíð settur á stórar royndir.
Úrslitið ber við sær, at Skála hevur lyft seg fram á fimta plássið - tvey stig aftanfyri NSÍ.
Støðan
FC Suðuroy 23
AB 21
TB 20
NSÍ 15
Skála 13
EB/Streymur 12
FC Hoyvík 10
HB 10
Víkingur 6
07 Vestur 0
10. umfar
Kristi Himmalferðardag
Hósdagin 2. juni
NSÍ-FC Suðuroy
Skála-HB
07 Vestur-AB
Víkingur-EB/Streymur
FC Hoyvík-TB
