Kappingin um World Rowing Indoor Championships í inniróðri, verður í døgunum 25. og 26. februar. Sjey føroyskir luttakarar hava kvalifiserað seg at luttaka í kappingini. Nøkur í einum flokki, og onnur í tveimum flokkum.
Upprunaliga skuldi HM í inniróðri, eisini stytt WRICH (World Rowing Indoor Championships) vera í týska býnum Hamburg, men fyriskipararnir avgjørdu í desember 2021, at skipa tiltakið sum netborið orsaka av koronufarsóttini, skrivar Róðrarsambandið.
WRICH heimsmeistaraheitið er fyri luttakarar í aldursbólkinum U19 og eldri. Kappast verður í teinum á 500 metrar og 2000 metrar. Tríggir luttakarar frá fimm meginøkjum, Amerika, Afrika, Asia, Osiania og Evropa, hava møguleika at kvalifisera seg fyri hvørt økið, skrivar RSF.
- Róðrarsamband Føroya skipar fyri almennum tiltaki í sambandi við kappingina um heimsmestaraheitið. Kappingin verður í aulaini í Læraraskúlanum. Áskoðarar eru vælkomnir til tiltakið fyri at vísa luttakarunum teirra stuðul, verður sagt úr Róðrarsambandinum.
Her eru tey, sum skulu luttaka:
500m – fríggjadagin 25. februar 2022 | Starttíð | Luttakari | Felag |
Kvinnur U19 | 11:59 | Mira Winther Klit | AR |
Menn U19 | 12:07 | Mattias Durhuus | HVR |
Kvinnur U23 Lættvekt | 12:14 | Zoe Dickson | KÍF |
Kvinnur U23 | 12:29 | Vár Guriardóttir Hansen | AR |
Kvinnur Lættvekt | 12:44 | Sarita Kristina Hansen | – |
Menn Lættvekt | 12:59 | Bergur Robert Dam Jensen | KÍF |
Kvinnur Masters 30-39 Lættvekt | 13:14 | Sarita Kristina Hansen | – |
Menn Masters 30-39 Lættvekt | 13:29 | Bergur Robert Dam Jensen | KÍF |
2000m – leygardagin 26. februar 2022 | Starttíð | Luttakari | Felag |
Menn U19 | 10:20 | Mattias Durhuus | HVR |
Kvinnur U23 Lættvekt | 10:35 | Zoe Dickson | KÍF |
Kvinnur U23 | 11:08 | Vár Guriardóttir Hansen | AR |
Menn Masters 30-39 Lættvekt | 12:38 | Bergur Robert Dam Jensen | KÍF |
Kvinnur Masters 30-39 Lættvekt | 12:49 | Sarita Kristina Hansen | – |
Kvinnur Masters 50-54 | 14:23 | Jóna Danielsen | FSR |