Dánjal Ragnarsson skoraði fýra mál, og Janus Dam Djurhuus skoraði trý mál fyri ÍBV, ið á heimavølli í dag vann stórsigur 43-25 á Hørði í dysti í bestu íslendsku hondbóltsdeildini.
Í steðginum var ÍBV á odda 24-15.
ÍBV er næstfremst í deildini við seks stigum fyri tveir sigrar og tveir javnleikir í fýra teimum fyrstu dystunum hetta kappingarárið.
Komandi hóskvøld klokkan 19 hevur ÍBV aftur heimadyst. Mótstøðuliðið verður Stjarnan.
