Í sendingini Vinstra Víkiskylda í dag, verður ein ung kvinna gestur í rásarúminum, og hon greiður frá, tá maki hennara uttan ávaring tók lívið av sær. Nógv umrødda sendingin Vinstra Víkiskylda er aftur á skránni, og hesaferð verður ljós varpað á tær kenslur ið rørast, tá ið tey nærmastu taka lívið av sær.
Ung kvinna greiður frá hvussu hennara lív broyttist, tá ið sjeikurin, heilt ungur og uttan ávaring, valdi at taka lívið av sær.
Jegvan Zaharias Bæk verður eisini gestur í rásarúminum, og hann fer at greiða frá hvørjar orsøkirnar kunnu verða, tá ið eitt menniskja velur at taka sítt egna lív, og hvussu ein slík vanlukku ávirkar tey avvarðandi.
Vinstra Víkiskylda verður at hoyra á Rás2 frá 15.00 ? 17.00.
