Kappingin er hørð um at fáa fatur á teimum, sum fara út at eta. Nógvastaðnis verður lýst við jólaborðum, og á Sjómansheiminum ætla tey ikki at standa aftan fyri kappingarneytarnar.
Fyri stuttum fekk Sjómansheimið skeinkiloyvi, og nú bjóða tey eitt stórsligið jólaborð, sum er at fáa hvørt kvøld frá klokkan seks. Afturvið ber so til at fáa sær bæði vín, øl ella bara eina sodavatn, alt eftir hvat ein hevur hug til.
Á jólaborðinum er mangt gott at fáa, so sum dunna, rivjasteik, laksur, rækjur, kjøtfrikadellir, rís a la mande og annað gott.
Fleiri aðrar matstovur hava líknandi tilboð, og tí hava kundarnir ivaleyst at velja millum.
