Tær møttust leygarmorgunin í gomlu skúlahølunum á B75 á Landssjúkrahúsinum, har sum Heilsumálaráðið heldur til í dag. Har ótu tær morgummat og hugdu eftir gomlum myndum frá lestrartíðini.
Síðan gingu tær út til kirkjugarðin við Velbastaðvegin og løgdu blómur á grøvina hjá Kristinu Guttesen, ein av sjúkrasystrunum, sum andaðist í 1989. Eftir tað var farið í Norðurlandahúsið, har tær fingu ábit og hugdu eftir eini bindiframsýning, sum er har í løtuni.
Skipað var síðan fyri eini rundvísing í nýggja skúlanum hjá sjúkrarøktarfrøðingunum í J. Broncksgøtu. Um kvøldið var veitsla á Hotel Føroyum.
Sjúkrarøktarfrøðingarnir sum hittust leygardagin vóru: Súsanna Djurhuus, Eydna Hansen, Jórun Andreasen, Anna Maria Mortensen, Elinborg Danielsen, Kitty Wang, Anna Egholm, Maibritt Mikkelsen, Malan av Reyni, Jastrid á Dul Sørensen, Elin Vitalis, Elisabeth Guttesen, Petra Henriksen og Nicolina Højgaard og Ida Sørensen.
