Í Siloakórinum eru umleið 30 sangarar, og kórleiðari er Eyðun á Lakjuni, sum hevur stjórnað kórinum síðani síðst í áttati-árunum. Vikuskiftið undan páskum var kórið á vitjan í Skotlandi, har sungið varð í ymsum kirkjum/samkomum.
Skráin í Salt klokkan 17 dýrabiðidag líkist skránni, sum sungin varð í Skotlandi – ein blandingur av føroyskum og enskum sangum, mest nýggjari og lættir sangir og gospel.
Undirspælið hava brøðurnir, Jóhannes Simonsen, klaver, David Simonsen, bass, saman við Teiti Isaksen, sum spælir trummur. Eisini verða fleiri solosangarar at hoyra syngja saman við kórinum.
– Byrjað verður kl. 17, og øll eru hjartaliga vælkomin, siga fyrireikararnir.
