Sigrun Gunnarsdóttir Niclasen er ein av mest virdu listakvinnunum í landinum. Fleiri ferðir hevur hon verið við á Ólavsvøkuframsýningini, og seinnapartin í dag letur hon upp framsýning í Smiðjuni í Lítluvík.
Sigrun og maðurin hava verið í Eysturgrønlandi seinasta árið, og í flestu málningunum á framsýningini hómast ógvusligar upplivingarnar haðani.
Listakvinnan er vælútbúgvin. Í tíðarskeiðnum 1973-80 gekk hon á Kongliga Listaháskúlanum í Keypmannahavn, og framman undan hevði hon verið á tekniskúla á Glyptotekinum.
Framsýningin er opin hesi tíðarskeið:
Fríggjadagin 16.00 - 19.00
Leygardagin 14.00 - 19.00
Sunnudagin 15.00 - 19.00
