Talan gjørdist um eitt gott kvøld hjá føroyingaliðunum í næstbestu donsku hondbóltsdeildini hjá monnum í kvøld.
Julian J. Kragesteen og liðfelagarnir í Køge vunnu í botnstríðnum ein sera týðandi 28-27 sigur á Vendsyssel á útivølli. Í steðginum var Køge á odda 16-11, men í seinna hálvleiki gekk ikki líka væl í hond. Men Køge var omaná við einum máli tá dysturin var liðugur.
Køge er framvegis aftast í deildini, men nú við seks stigum. Eitt stig er upp til Vendsyssel á næstaftasta plássinum.
Julian skoraði tvey mál fyri Køge í kvøld.
Teis Horn Rasmussen, Peter Krogh og liðfelagarnir í Aarhus HC vunnu stórsigur 39-22 á Odense á útivølli. Í fyrra hálvleiki var heimaliðið betri við, og í steðginum var Aarhus á odda 17-14.
Aarhus er nummar seks í deildini við 21 stigum.
Teis skoraði fýra mál fyri Aarhus.
Landsliðsmálverjin, Pauli Jacobsen, Rói Berg Hansen og liðfelagarnir í HØJ vunnu á útivølli 28-26 á Skive. Í steðginum var Skive á odda 15-13, men tað lá betri fyri hjá HØJ í seinna hálvleiki.
HØJ er fjórðfremst í deildini við 24 stigum.
