Tað sigur forkvinnan í flokkinum, Pia Olsen Dyhr, við Politiken.
Hon sigur, at tær eru vorðnar »ov bláar«.
– Tað hava verið ógvuliga uppbyggjandi samráðngar, men vit eru ov langt frá hvør øðrum á avgerandi økjum. Tað eru vit, tá tað snýrs eg um veðurlag og náttúru.
– Her hálar Vinstri í aðra ætt, tí tey eru so tætt knýtt landbúnaðinum. Og tað er vorðið ov blátt, tá tað snýr seg um tey serliga útsettu.
– Tað er nakað av tí, sum vit hava stríðst um í samráðingarhølunum og her hava vit veruliga merkt, hvussu lítið tey vilja flyta seg í mun til tær allar fátækastu barnafamiljurnar, sigur Pia Olsen Dyhr við Politiken.
Forkvinnan í Javnaðarflokkinum, Mette Frederiksen, samráðist nú við Vinstra, Moderatarnar og Tey Radikalu um at skipa eina breiða stjórn.
Eisini Liberal Alliansa og Danski Fólkaflokkur eru formliga enn við í stjórnarsamráðingunum, men teir báðir flokkarnir hava ikki verið boðsendir til samráðingar í eina tíð.
/ritzau/