Á landsvegnum við Krás í Hósvík stendur eitt skelti við áskriftini Seyðarhøvd.
Tað verður ofta sagt, at føroyingar flest ikki longur eta seyðarhøvd, men so er ikki, tí tað stendur ikki á hjá Krás at selja seyðarhøvd.
– Summi ringja og bíleggja høvd, og onnur koma inn, tí tey hava sæð skeltið, verður sagt av Krás.
Tað eru bara lambshøvdini, sum verða seld.
Higartil í ár eru seld umleið 600 høvd, men hesa vikuna aftrat verður meira flett, og tí framvegis høvd at fáa.
Spyrja fólk eftir høvdum, tá ið eingi eru at fáa, verða tey skrivað á bíðilista.
