Farið er undir útbyggingar á verkinum hjá SEV í Vági.
Vágsverkið verður útbygt eystureftir. Í summar varð dagtangahúsið flutt og gravimaskinur eru nú farnar undir at grava út fyri nýggjum motori.
Nýggi motorurin er neyðugur fyri at nøkta tørvin á streymi í Suðuroynni, og serliga vinnulívið ger, at tørvurin er øktur.
Tríggir motorar eru á Vágsverkinum, tveir eldri motorar, M1 og M2. Ein nýggjari, M3, og nýggi motorurin, M4, verður av sama slag, sum M3, skrivar www.sudurras.fo
Mynd: Suðurrás
