Serena Williams hevur vunnið OL gull í einmansleiki fyri kvinnur í tennis. Amerikanska Serena Williams vann finaluna í tveimum settum, 6-0, 6-1.
Tað var ongantíð nakar ivi um hvør fór at vinna, tí Serena Williams var betri frá fyrsta bólti til seinasta bólt. Maria Sharapova hevði onkrar møguleikar at vinna okkurt game afturat, men hvørja ferð svaraði Serena Williams aftur.
Tað endaði við, at Serena Williams servaði eina kanón av einum ace, sum er tá mótstøðuleikarin ikki megnar at røra við bóltin tá hann kemur yvir um netið.
