Sekstan nýggj fólk á tingi

POLITIKKUR

Sjey av teimum átta lands­stýr­is­fólkunum eru vald á ting - og sambært nýggju stýr­i­skip­an­ar­lógini skulu tey leggja niður sæti á tingi, tá tey taka við einum lands­stýris­sessi.

Løgmaður og Hans Pauli Strøm søgdu sínar tingsessir frá sær leygardagin, tá ting­ið varð sett. Fyri teir á ting komu næstu fólkini á list­a­num hjá Javnaðarflokkinum, Andr­­i­as Petersen í Gøtu (270 atkvøður) og Eyð­gunn Sam­uelsen í Klaks­vík (256 at­kvøður).

Á næsta tingfundi, sum verð­­ur fríggjadagin, fer Hel­ena Dam á Neystabø at leggja tingsessin frá sær, og fyri hana kemur á ting triðji eyk­a­mað­urin hjá Javn­að­ar­flokk­­i­­num, Mikkjal Sør­en­sen í Porkeri (247 at­kvøð­ur).

Tjóðveldið fær eisini trý nýggj fólk á ting fyri Høgna Hoydal, Tórbjørn Jacobsen og Bjørt Samuelsen. Fyri tey koma á ting Páll á ­Reyn­a­túgv­u á Sandi (330 at­kvøð­ur), Heidi Petersen í Vestmanna (305 atkvøður) og Olga Biskopstø í Gøtu (255 atkvøður).

Tjóðveldið fær eisini ein nýggjan fólkatingslim, nú Høgni Hoydal fer í lands­stýr­ið, og verður tað Annita á Fríð­riks­mørk, sum skal um­boða Tjóðveldið á Fólk­a­tingi. Men Annita skal í barns­burð­ar­farloyvi í næsta mánaði, og verður tað tískil Sjúrð­u­r Skaale, sum sleppur at royna seg á bonaðu gólv­u­num í Keypmannahavn. Sjúrð­ur Skaale hevur fyrr starv­ast sum skrivari hjá Norð­ur­atlantsbólkinum - so hann kennir til fólk­a­tings­ar­beiði.

Men Sjúrður verður valla so drúgvur á Christiansborg. Ann­­ita á Fríðriksmørk sig­ur, at hon fer í farloyvi tá hon skal eiga í mars, men hon ætlar sær at taka sæti aft­­ur, tá Fólkatingið kemur sam­an í oktober.

Fólkatingið fer vanliga í summ­­arfrí á grund­lóg­ar­deg­num 5. juni og kemur ikki sam­­an aftur fyrr enn fyrsta týs­­dag í oktober. So Sjúrður Skaale fær bert tríggjar mán­­a­ð­ir í fólkatinginum.

Næstur á listanum hjá Tjóð­­veld­­i­s­flokk­inum er nú Finn­­ur Helmsdal (217 at­­kvøð­­ur). Honum unnist ikki fast sæti á tingi hes­a­ferð, men boð verða uttan iva eft­ir honum. Tá Annita á Fríð­r­iks­­mørk fer í barsil, fær Finn­ur Helmsdal fast sæti í løg­tinginum, men tað verð­ur helst bert fram til ólav­søku. Hesa tíðina verð­ur so Olaf í Garði Joensen á Eiði (176 at­kvøð­ur) varafólk á tingi - og hann kemur uttan iva á ting, meðan Sjúrður Skaale er burtur í fólka­tings­ar­beiði.

Av tí at fjóðri lands­stýr­is­mað­ur­in hjá Tjóðveldinum - ó­vænt­að - ikki var úr ting­mann­ing­ini, endaði Finnur Helms­dal uttan fyri ting­gátt­ina hesaferð. Hansara leik­lut­ur er at verða fyrsti eyk­a­mað­ur fyri øll tey átta tjóð­veld­i­sfólkini, sum nú sita á tingi, og tað fer uttan iva at geva honum nógvar ting­dag­ar - serliga nú Føroyar eru eitt valdømi - og tí, at brúk verður fyri øllum teimum 17 atkvøðunum hjá samgonguni í flest øllum málum.

Næst Finni Helmsdal koma Olaf í Garði Joensen og Óluvá Klettskarð.

Jacob Vestergaard, 870 atkvøður

Fólkaflokkurin

Jørgen Niclasen, 617 atkvøður

Fólkaflokkurin

Anfinn Kallsberg, 550 atkvøður

Fólkaflokkurin

Annika Olsen, 520 atkvøður

Fólkaflokkurin

Jákup Mikkelsen, 437 atkvøður

Fólkaflokkurin

Jógvan á Lakjuni, 417 atkvøður

Fólkaflokkurin

Poul Michelsen, 341 atkvøður

Fólkaflokkurin

Magni Laksáfoss, 979 atkvøður

Sambandsflokkurin

Kaj Leo Johannesen, 642 atkvøður

Sambandsflokkurin

Bjørn Kalsø,    557 atkvøður

Sambandsflokkurin

Edmund Joensen, 469 atkvøður

Sambandsflokkurin

Alfred Olsen, 417 atkvøður

Sambandsflokkurin

Johan Dahl,    377 atkvøður

Sambandsflokkurin

Rósa Samuelsen, 314 atkvøður

Sambandsflokkurin

Gerhard Lognberg, 595 atkvøður

Javnaðarflokkurin

John Johannessen, 287 atkvøður

Javnaðarflokkurin

Katrin Dahl Jakobsen, 283 atkvøður

Javnaðarflokkurin

Andreas Petersen, 270 atkvøður

Javnaðarflokkurin

Eyðgunn Samuelsen, 256 atkvøður

Javnaðarflokkurin

Mikkjal Sørensen, 247 atkvøður

Javnaðarflokkurin

Kári á Rógvi, 572 atkøvður

Sjálvstýrisflokkurin

Kári P. Højgaard, 292 atkvøður

Sjálvstýrisflokkurin

Annita á Fríðriksmørk, 616 atkvøður

Tjóðveldi

Bergtóra Høgnadóttir Joensen, 481 atkvøður

Tjóðveldi

Sjúrður Skaale, 416 atkvøður

Tjóðveldi

Heini O. Heinesen, 415 atkvøður

Tjóðveldi

Hergeir Nielsen, 352 atkvøður

Tjóðveldi

Páll á Reynatúgvu, 330 atkvøður

Tjóðveldi

Heidi Petersen, 305 atvøður

Tjóðveldi

Olga Biskopstø, 255 atkvøður

Tjóðveldi

Bill Justinussen, 573 atkvøður

Miðflokkurin

Jenis av Rana, 504 atkvøður

Miðflokkurin

Tordur Niclasen, 123 atkvøður,

Miðflokkurin