Blómurák
70’ara Flower Power mótarákið fær endurreisn í 2012, tá ið blómuprent aftur verður at síggja í mótamyndini.
Finn íblástur úr Afrika
Djóraprent, sum hevur dominerað mótan seinastu árini, er framvegis ein stórur partur av mótamyndini, og nú nútímansgera sniðgevar rákið, so tað hóskar seg til 2012. Sum vit síggja á myndini, er tað ógvusligt prent, sum fær íblástur úr Afrika.
Prinsessu glitur
Í 2012 verður glitur ikki einans at síggja um jóltíðir. Nú er glitur ein stórur partur av mótamyndini alt árið. Pailettur eru nógv at síggja, eins og skínandi klæðir eru partur av glitur lookinum.
Blítt og vakurt
Pastellitir vera nógv at síggja í 2012. Bæði tá ið umræður klæðir og smyrsl. Pastellitirnir kunnu setast saman við eitt nú blómurákinum, og soleiðis geva stílinum eina bleytari útsjónd.
Hvítt og reint
2012 verður í stóran mun reint og blítt, tá ið umræður litir. Hvítt verður eitt av størstu hittunum í ár.
Cowboy til allan kroppin
Cowboy í øllum hugsandi sniðum eru nógv at síggja í vár. Cowboy skógvar, skjúrtur og kjólar eru avgjørt eitt hitt, og sigast kann, at hetta rákið gevur tær møguleikan at royna nýggjar leiðir, tá ið umræður cowboy.
