Rættarmál
Árni Joensen:
fartekst@mail.dl
Ovastin í bretska dómsvaldinum, Goldsmith lordur, hevur gjørt av, at meiri enn 250 mál um barnamorð skulu kannast av nýggjum.
Orsøkin til avgerðina er ein frágreiðing, sum tríggir dómarar í hægstarætti skrivaðu, tá teir í síðsta mánað fríkendu eina konu fyri at hava tikið lívið av tveimum synum sínum. Í frágreiðingini skrivaðu dómararnir, at úrskurðurin var grundaður av læknaligar kanningar. Teir gjørdu samstundis vart við, at tað er ikki óhugsandi, at nógv foreldur eru vorðin dømd, sjálvt um tey í veruleikanum vóru ósek.
Síðani frágreiðingin kom, hevur verið nevnt, at fleiri foreldur eru vorðin dømd, sjálvt um talan var um vøggudeyða.
