Hetta er vikuskiftið, tá ið fótbólturin fer á rull aftur, eftir at steðgur hevur verið í síðani 27. oktober ella í nítjan vikur.
Trý lið eru nýggj í 1. deild. Tey eru 07 Vestur, sum flutti niður í fjør, og B36 og EB/Streymur, sum fluttu upp. Felags fyri hesi trý er, at tey seinnapartin í dag, tá ið fyrsta umfar er á skrá, fara at spæla á útivølli.
07 Vestur eigur seint seinnapartin torføran útidyst við Løkin í Runavík, har NSÍ verður vertur. Í fjør endaði NSÍ á øðrum plássi.
B36 fer inn á Svangaskarð, har B68 verður vertur. B68 endaði í fjør á fjórða plássi. Tað gekk akkurát ikki hjá toftamonnum at flyta upp. Í síðsta umfari vóru teir í Leirvík, har tað endaði málleyst. Um B68 tá hevði skorað eitt mál, so var B68 nú í bestu deildini.
EB/Streymur fyrireikar seg til at spæla á útivølli ímóti Víkingi, sum í fjør endaði á fimta plássi.
B71, sum í fjør var tvey stig frá niðurflyting, fær í dag vitjan av Skála, sum í fjør endaði á sjeynda plássi – fýra stig frammanfyri B71.
Hetta vikuskiftið dystast KÍ og HB tvær ferðir í Klaksvík. Í dag hittast næstbestu liðini, meðan liðini í bestu deildini hittast í morgin.
1. deild
Fyrsta umfar
Ídag
KÍ – HB: Rúni Olsen kl 15.15
Víkingur – EB/Streymur: Aron Sofus Vest kl. 15.00
NSÍ – 07 Vestur: Rani A. Skaalum kl. 17.30
B68 – B36: Petur Reinert kl. 15.00
B71 – Skála: Bent Tommy Linklett kl. 15.00
