Endamálið við at keypa endurnýtsluvøru er ikki í sjálvum sær at spara pening, men at finna sín egna stíl, lita, seyma um og seta saman á ein persónligari hátt.
Í Havn eru tríggir endurnýtsluhandlar, sum eru sera væl umtóktir og vitjaðir: Bláakrossbúðin í Kongagøtu, Folkekirkens Nødhjælp í Tróndargøtu og Reyði Krossur á Bryggjubakka.
Endurnýtsluklæði eru sum oftast brúkt, men eisini eru mótahandlar, sum lata spildurnýggj klæði til handlarnar.
At yvirskotið fer til vælgerandi endamál, ger tað bara betri.
Vit hava vitjað í handlunum, og viðganga, at vit eru sera nøgdar við fongin.
