Savna pengar til offrini í Serbia

Serbar í Føroyum, sum hava tikið stig til at hjálpa sínum landsmonnum í Serbia eftir álv­arsomu vatn­flóðina, sum hevur gjørt fleiri enn 20.000 fólk heim­leys, hava nú tikið stig til at savna pengar umvegis sms­tæn­ast­urnar hjá Føroya Tele og Vodafone.

– Pengarnir sum koma inn fara óskerdir bein­leiðis til hjálpararbeiði und­ir serbisku stjórnini sig­ur Andrija Ilic, serbi í Før­oy­um, sum er ein av stig­tak­ar­unum.
Tey, ið soleiðis vilja hjálpa, skulu senda ein sms til tele­fon­numm­arið »1910« og skriva "serbia". Nógv fólk eru kom­in illa fyri í Serbia, tí tey hava mist hús og heim og allar ognarlutir.

– Tað er tí, at vit, nakrir serbar í Føroyum, eru farin undir at savna saman til hjálpa landsmonnum okk­ara í Serbia, sigur Andrija Ilic.

Ein bingja við neyðhjálp, so sum klæðum og øðrum, verð­ur sent til Serbia í vikuni.
Serbarnir í Føroyum fegn­ast eisini um stóru gáv­una frá landsstýrinum upp á 250.000 krónur.