Komandi sunnudag kl. 18 verður sangløta í Meinigheitshúsinum Havn. Á skránni verður felagssangur og eisini fara Meinigheitskórið, Jens Lisberg og Martin Joensen (myndin) at syngja.
Líknandi tiltak hevur áður verið fyrr í húsinum, og var húsið tá á tremur við fólki, ið dáma væl lættan gospel-tónleik og felagssang.
Umframt sang og tónleik fer Annelisa Rasmussen av Strondum at hava andakt.
Aftaná verður borðreitt við einum drekkamunni.
