Løgmaður hevur boðsent samgonguni á fund í vikuni um Sandoyartunnilin Samgonguflokkarnir eru ósamdir um, hvussu frammarlaga undirsjóvartunnilin til Sandoynna skal raðfestast. Sambandsflokkurin vil tunnilin útsettan, men fólkaflokkurin og javnaðarflokkurin halda, at hann skal gerast sum skjótast.
Uppskotið hjá Bjarna Djurholm, landsstýrismanni er, at boringin skal byrja á heysti næsta ár ella tíðliga í 2009, og hesum taka fólkaflokkurin og javnaðarflokkurin undir við. Men sambandsflokkurin vil heldur brúka pengar til onnur endamál og heldur, at tunnilin kann bíða til 2010.
Nú skal løgmaður royna at finna semju um málið.
