Veljarakanningarnar undan løgtingsvalinum ávirka endaliga valúrslitið.
Tað heldur Jógvan Mørkøre, samfelagsfrøðingur og politiskur viðmerkjari.
Hann sigur við útvarpið hjá Kringvarpinum, at veljarakanningarnar, sum geva ábendingar um, hvussu endaliga valúrslitið fer at laga seg, ávirka nógvar veljarar.
- Tað er væl hugsandi, at veljarar, sum ivaðust í gjár, hvar krossurin skal setast, lata seg ávirka at veljarakanningum. Tað eru flokkar og valevni, sum standa seg sera væl undir kanningunum. Tað kann ávirka veljaran somikið, at hann fer heldur at stuðla einum politikara, sum er um markið at sleppa inn á ting, heldur enn ein politikara, sum er tryggur at verða valdur, sambært veljarakanningum. So veljarakanningarnar flyta atkvøður, sigur Jógvan Mørkøre, samfelagsfrøðingur og politiskur viðmerkjari við útvarpið hjá Kringvarpinum.
