Fríggjadagin gjørdu strandarlondini, Føroyar, ES og Noreg, eina semju um býtið av makreli fyri 2016 og næstu árini. Semjan hjá strandarlondunum er gjørd innanfyri karmarnar, ið londini samdust um á fundi í London 12. mars í fjør.
Fiskimálaráðið upplýsir, at semjan er bygd á tvær høvuðstættir. Ein langtíðar umsitingarstrategi fyri makrelin og felags samstarv millum strandarlondini um eftirlit við fiskiskapinum eftir makreli og øðrum uppsjóvarfiskasløgum í 2016.
Londini eru vorðin samd um eina heildarkvotu á 895.900 tons. Føroyski parturin av kvotuni er ásettur til 112.892 tons.
Hvørki Ísland ella Grønland eru partur av nýggju semjuni, men áseta sjálvi sína egnu kvotu.
