Frásøgumaðurin hjá FM1, Sjúrður H. Hoydal og viðmerkjarin, Gunnar Djurhuus fóru gjøgnum alla kensluskrásetingina, tá føroyska manslandsliðið í hondbólti fekk ein minniligan 24-24 javnleik í EM-undankappingardystinum ímóti Montenegro í Podgorica.
Fyrst var talan um ein framúrskarandi fyrra hálvleik har Føroyar vóru á odda 15-10. Síðani var ein lang og tung løta í seinna hálvleiki, har føroyska liðið í 19 minuttir bert skoraði trý mál.
Og so vóru tað seinastu tríggir minuttirnir. Føroyar vóru aftanfyri 21-24, og frásøgumaðurin hálvgum avskrivaði dystin, men so hendi nakað.
TRÝST á PÍLIN undir MYNDINI, og njótið ein samandrátt av dystarfrásøgnini hjá Sjúrði H. Hoydal og Gunnari Djurhuus. Á ljóðfíluni hoyrist eisini ein ógvuliga gleðilig samanumtøka aftaná seinasta bríksl.
Leygardagin klokkan 15.10 sigur Sjúrður H. Hoydal frá dystinum millum Føroyar og danska hondbóltsrisan á FM1.
