Ferðslutrygd
Tað er kanska lætt at fata, hví vit undirmeta, at ein vanlukka kann standast av bilkoyring, tí tað er jú lítil vandi fyri at verða skaddur ella doyggja hjá tí einstaka bilføraranum, sum bert koyrir frá A til B. Men hesin trupulleiki verður harafturímóti stórur, tá hugsað verður um allar íbúgvar landsins. Løgið kortini, at vit dagliga tora at undirmeta ta øgiligu "fall-styrki", sum er fjald í einum bili, ið bert koyrir 50 km/t
Brúka trygdarbeltini
Men sjálvt um henda "fall-styrkin", ið verður fleiri ferðir størri tá ferðin veksur, dagliga liggur mestsum og lúrir í bilinum, tá ið vit koyra, so eru tað tó mong, ið tora at sita enntá við t.d. ongum trygdarbelti. Vit kunnu í hesum viðfangi nevna, at nágreiniligar vitskapligar kanningar eisini hava staðfest, at avleiðingarnar av eini ferðsluvanlukku verða helvtina minni hjá tí sum brúka trygdarbeltið.
Kelda: Petur J.Sigvardsen RFF
