Salka Valka, báturin, sum nógvir føroyingar hava hoyrt um er nú komin til Singapore.
Sosialurin hevur frætt frá Jústinus Eidesgaard, at Salka Valka kom til Singapore sunnudagin.
Báturin er á veg til Malaysia, men áðrenn tað fer Durita Brattaberg, sum er einasti føroyingur, sum í løtuni er umborð á bátinum, at vitja sjómansheimi í Singapore og fáa sær eitt prát við føroyingarnar, sum har eru.
Áðrenn Salka Valka kom til Singapore høvdu tey verið í Indonesien, har tey høvdu siglt runt í nakrar dagar.
Meðan Salka Valka hevur ligið í Singapore hava tey nýtt høvi til at gera nakrar umvælingar umborð.
