Í dag er síðsta freist at melda seg til Fm´08. Síðsta freist at melda seg til tónleikakappingina, sum verður á Reinsarínum 22. november og 29. november, er í dag. Finalan verður 6. desember.
Vinningurin er 5 dagar í studio við teknikara, umframt tað vera umboð frá teimum stóru føroysku festivalunum, sum fara at velja bólkar út til at spæla á teirra festivalum. Hesir bólkar hava longu tryggja sær pláss: 3st, Oniontree, Trygvi og Rasmus, Bandana Boys, The Hunters, Lost in France, Moby The Pink Pilot, Serenity, Reverb, Moustache, Collapse, Jónsvein, Fatigue, Rúni Hansen og
Aranea.
Fyrsta umfar verður nú leygarkvøldið 22. november kl. 20 í Reinsarínum í Tórsgøtu.
Atgongumerki á 100 kr fáast í Tutl-handlinum og á Margarinfabrikkini. Eisini ber til at keypa atgongumerki til øll kvøldini fyri einans 200 kr.
