Fyrireikingarnar til Sørvágs Country- & Blues Festival um vikuskiftið ganga væl, siga tey úr Sørvági. Bæði tann lítili og tann stóri pallurin eru komnir upp, tjøld, campingøki og Dansistovan er klár at taka ímóti festivalgestum.
Sambært veðurforsøgnunum, so sær veðrið eisini út til at verða av tí besta í Sørvági um vikuskiftið, sigur Maria Samson, fyriskipari.
Skráin og øll barnatiltøkini síggjast á heimasíðuni www.country.fo, og í samband við festivalin koyrir náttarbussurin úr Sørvági leygarmorgun og sunnumorgun klokkan 04.
