Eftir at seinasti dysturin í EM-kappingini varð leiktur í Schaan í Liktenstein í gjárskvøldið millum Liktenstein og Luksemborg, sum Luksemburg vann 3-0, var hátíðarløta, har bestu spælararnir vóru kosnir.
Undir hesi hátíðarløtuni varð almannakunngjørt, at Sára Rannváardóttir Vatnhamar, Fleyr, varð kosin besti libero í kappingini. Sára hevur havt eina sera góða kapping, og hevur verið viðvirkandi til, at Føroyar kláraðu at vinna seg fram 2. plássið í kappingini, skrivar Flogbóltssambandið.
Føroyar spældu fýra dystir og vunnu 3-1 á Skotlandi og 3-0 á Liktenstein og Wales, men tapti 3-1 ímóti Luksemborg. Føroyska ferðalagið verður aftur í Føroyum í dag.
Endaliga støðan í kappingini gjørdist:
1. Luksemborg
2. Føroyar
3. Skotland
4. Liktenstein
5. Wales
