Framrættaða talentið hjá HB, 18 ára gamli Teit Jacobsen, hevur staðið seg somikið væl í royndarvenjingum í danska Superliga-felagnum SønderjyskE, at felagið nú ynskir at gera sáttmála við hann.
- Teir hava verið nøgdir við tað, sum teir hava sæð, og teir siga, at teir kundu hugsað sær at gjørt avtalu við hann. Teir hava vent sær til okkara við einum uppleggi, sum nevndin í HB nú fer at viðgera, sigur formaðurin í HB, Finnbogi Arge, við in.fo í kvøld.
Finnbogi Arge sigur seg vænta, at SønderjyskE fær eitt svar ein av komandi døgunum.
