– Tað er sjálvandi stuttligt. Eg havi fingið mín fótbóltsuppvøkstur har og tá eg kom til Føroyar í vetur stóð valið ímillum FC Suðuroy og HB, sigur Símun Samuelsen
Fyri leikarnar í FC Suðuroy er dysturin hinvegin ikki so serstakur.
– Hetta er ein dystur sum allir aðrir, men vit vita væl at HB er eitt gott lið, ið liggur í oddinum, sigur Palli Augustinussen, liðskipari hjá FCS.
HB misti um vikuskiftið oddasessin til ÍF, men tað tykist ikki hava tikið mótið føroyameistaranum.
– Lagið í hópinum er gott og vit eru á einum deildum fyrsta plássi, bara við verri málúrtøku. Vit tapa okkara fyrsta dyst í áttinda umfari í Fuglafirði, sum er eitt torført stað at spæla. Vit vildu eisini gjarna vinna á B36, men tað er ongin skandala at tann dysturin endaði við javnleiki, sigur Símun Samuelsen.
Í Suðuroy eru tey klár at taka ímóti Símuni Samuelsen.
– Hann hevur verið her fyrr sum GÍ leikari, so tað er ikki nakað nýtt fyri hvørki okkum ella hann. Símun kemur sjálvandi at hoyra fyri at hann nú spælir í HB, men hann er væl dámdur her suðri, sigur Palli Augustinusen.
Tá liðini hittust í fyrsta umfari, endaði dysturin eitt sindur óvænta við 4-4 javnleiki.
– Teir góðu okkum ein kvøkk tá, men hesa ferð eru vit klárir, sigur Símun Samuelsen, ið hevur spælt allar dystirnar fyri HB í ár.
Í Suðuroy er málið fyrst og fremst at verja tað eina stigið.
– Tað hevur gingið illa hjá okkum í seinastun, so vit mugu binda fyri í verjuni og so fáa vit at síggja hvussu langt tað røkkur, sigur Palli Augustinussen at enda.
