SÍ, Mjølnir og Fleyr koyra á

Trý tey fremstu liðini á stigatalvuni tykjast eisini vera tey trý, ið koma at røkka longst í Eikliguni hjá kvinnum. Við reinum 3-0 sigrum staðfestu SÍ, Mjølnir og Fleyr í øllum førum sína støðu í gjár

Hilmar Jan Hansen

16.11.2009 (12:45)

<style type="text/css">  </style>   Landskappingin hjá kvinnunum sær framvegis soleiðis út, at SÍ er greitt oddalið, meðan Mjølnir og Fleyr royna at renna aftaná. SÍ hevur enn einki stig sett til, men vísir styrki ferð eftir ferð. Mjølnir hevur bara mist ímóti oddaliðnum, og Fleyr sær eisini út til at vera við at koma í gongd. <o:p> </o:p> SÍ-TB 3-0<o:p></o:p> (25-13, 25-23, 25-11)<o:p></o:p> Hóast TB fyri viku síðani gjørdi eitt hál norðanfjørðs, so megnaði liðið ikki at endurtaka tað, tá vitjað varð í Sørvági sunnudagin. Tað hevði helst eisini verið ov nógv at kravt av unga TB-liðnum, tí SÍ hevur verið tryggasta og besta liðið higartil – og var tað eisini sunnudagin. Samanumtikið gjørdist talan um ein tryggan SÍ-sigur, har TB tó slapp at spæla eitt sindur meira við í øðrum setti. Munurin var tá mest, at SÍ hevði hug at slakka eitt sindur av, og tí fekk TB meira burturúr, enn í hinum báðum settunum. Sigurin er tann fimti á rað hjá SÍ-kvinnunum, ið mugu metast sum stórfavorittar til bæði lands- og steypakappingina. Og hóast TB mátti lúta í Sørvági, sær liðið tó út til at hava dygdir, ið røkka til eitt pláss í miðjuni. <o:p> </o:p> Mjølnir-KÍF 3-0<o:p></o:p> (25-17, 25-10, 25-11)<o:p></o:p> Av hinum liðunum er Mjølnir tað, ið hevur bestan hugin at bjóða av – og helst eisini hevur dygdirnar til tað. Mjølnir hevur bara tapt fyri SÍ, men vunnið rest, og tá KÍF vitjaði í Badmintonhøllini í Klaksvík sunnudagin, gjørdist úrslitið tað, ið væntast kundi. Unga KÍF-liðið stríðist so væl, sum tað kann, men ímóti Mjølnir rakk tað ikki til so nógv, hóast kvinnurnar úr Kollafirði kundu fegnast um, at tær fingu fleiri stig í hvørjum setti, enn tær hava fingið í fleiri av hinum dystunum. Mjølnir vann dystin lættliga, og heldur enn at fara eftir einum so knúsandi sigri, sum gjørligt, var pláss givið fyri útskiftingum, so allir spælararnir sluppu at royna seg. Men sjálvt uttan allarsterkastu ketuna var Mjølnir sannførandi og vann trygt. <o:p> </o:p> ÍF-Fleyr 0-3<o:p></o:p> (21-25, 18-25, 16-25)<o:p></o:p> Fleyr liggur aftan fyri hini bæði fremstu og lúrir – tvey stig aftan fyri Mjølnir og fýra stig aftan fyri SÍ. Sunnudagin var ÍF á skránni á Kambsdali, men tað gjørdist ikki ein dystur, ið gav Fleyr óneyðugar trupulleikar, og talan gjørdist um ein tryggan sigur. Gjøgnum allan dystin var Fleyr greitt betra liðið, meðan spælið hjá ÍF versnaði, so hvørt sum sjálvsálitið fór. Eftir at hava fylgt hampuliga væl við í fyrsta setti, mistu tær hjá ÍF mótið og duttu bara longur og longur niður. Meðan stór ábyrgd tykist hvíla á nøkrum fáum hjá ÍF, er breiddin hjá Fleyr eisini ein munur á liðunum, og í gjár sást, at Fleyr hevði fleiri streingir at spæla uppá.<o:p></o:p>

SÍ, Mjølnir og Fleyr koyra á

Mest lisið

MVG verður tikið av matvørum

»Landasvíkjarin« í Vági var ein hetja

Tunnil og Havnarvegur ikki gjørdir til súkkling

Í morgin letur vælveruhúsið í Ress upp

Knívur á lofti í bústaði í Havn í gjár

Kurvabóltskvinnurnar vunnu stórsigur

Læknin játtar seg sekan í at hava veitt Matthew Perry ketamin

Semju við fakfeløg um pensjónsaldur

Landsliðini leika 30 landsdystir í heyst

Ólavsøkukabarettin 2025 av bakkastokki