Afturvendandi sølustevnan í Ítróttarhøllini á Skála - SøluRásin - verður í vikuskiftinum, 7. og 8. november Tað er Skála Ítróttarfelag, StÍF og Strálan, ið standa aftanfyri sølustevnuna á Skála, sum øll árini hevur verið væl vitjað, bæði við framsýnarum og fólki, sum vitja inn á gólvið.
Á stevnuni hesaferð verður eins og undanfarin ár eisini ymiskt undirhald, eitt nú gyklarin Ásbjørn og Freki Finn. Eisini fara Juliannu Boys og country kongurin, Hallur Joensen og vinir, at undirhalda.
Sunnudagin á stevnuni fer Lisa Frederiksberg at syngja saman við øðrum.
Trøllafamiljan kemur á vitjan, meðan SøluRásin er.
Jens Marni Hansen verður eisini á pallinum á Skála, eins og mótaframsýningar verða báðar dagarnar.
Bæði kvøldini verður drigið um ymiskar vinningar millum seld atgongumerki og høvuðsvinningarnir, sum verða drignir um øll seld atgongumerki sunnukvøldið, eru tveir kekkar á 5.000 krónur hvør.
