Í samband við arbeiði við nýggju útstykkingini uppi á Vatnsryggi á Sandi, verður Søltuvíkarvegurin stongdur í morgin, mikudagin frá klokkan 8 á morgni.
- Møguleiki verður at sleppa ígjøgnum á middegi, og tá arbeiðið er liðugt, vita tey í Sands kommunu at siga í fráboðan í dag.
Tað eru nakrir dagar síðan, at arbeiðið við nýggju útstykkingini á Sandi byrjaði. Í fyrstu syfti verður talan um 13 nýggj grundstykki.
Tað er Articon, sum ger hetta arbeiðið, og sambært tíðarætlanini verður útstykkingin liðug til jólar í ár.
