Hagtølini hjá Akstovuni vísa, at sølan av nýggjum persónbilum er vaksin við 37 prosentum í mun til fyrstu fimm mánaðirnar í fjør. Nú fyrstu fimm mánaðirnir eru farnir av 2010, vísa hagtølini hjá Akstovuni, at sølan av nýggjum persónbilum er vaksin við 37 prosentum í mun til í fjør. Í ár vórðu seldir 328 persónbilar í mun til 240 í fjør.
Sølan av vørubilum stendur mestsum í stað við 31 seldum bilum í mun til 26 bilar sama tíðarskeið í fjør. Samlaði vøksturin av nýggjum akførum er umleið 18 prosent.
