Í gjár skipaði Tórshavnar Súkklufelag fyri FM í MTB, fjallasúkkling. Eins og í fjør, bleiv koyrt uppi við vakra økið kring Studentaskúlan í Hoydølum. Kappingin var ein sokallað MTB Criterium kapping. Hetta merkir at kappast verður á fjallasúkklu á einum lítlum strekki. Hesa ferð bleiv kappast í 45 minuttir, og so skuldu súkklararnir út á enn eitt umfar. Tíðliga í kappingini løgdu Høgni Øster og Gunnar seg á odda. Men á triðja umgangi dragnaði millum Høgna og Gunnar, og hálvan tíma seinni kundi Gunnar koyra ein tryggan sigur í hús.
Kári Simonsen kom triðjur á mál.
Børn sluppu eisini at royna seg, Jóanis Albert Nielsen vann tryggan sigur hjá dr. 12-14 ár, men spenningingurin um hvør gjørdist næstur øktist sum kappingin leið, í síðsta umfari megnaði Hjørtur Poulsen at súkkla seg fram um Hjørtur Ellingsgaard, sum mátti taka til takkar við einum triðja plássi.
Eisini í bólki II var spenningur, Fríði helt tørn og vann, men bert 4 sekund vórðu millum Fríða og Jóannes.
Úrslit, vaksin og unglingar:
1. Gunnar Dahl-Olsen
2. Høgni Øster
3. Kári Simonsen
4. Evald Rasmussen
5. Kasper Legård
6. Janus Hofgaard
Bólkur I: børn yngri enn 9 ár:
1. Bartal Dam Gregoriussen
2. Poul Jóhan á Torvlaðnum
Bólkur II, børn frá 9 til 11 ár, dreingir:
1. Fríði Weihe Fríðmundsson
2. Jóhannes Jóannesson
3. Tóki Bjarnason Poulsen
Bólkur II, børn frá 9 til 11 ár, gentir:
1. Margit Weihe Fríðmundsdóttir
Bólkur III: børn frá 12 til 14 ár, dreingir:
1. Jóanis Albert Nielsen
2. Hjørtur Bjarnason Poulsen
3. Hjørtur Ellingsgaard
4. Niels Gilstein Midjord
5. Benjamin Thomassen
