Talan er um eitt fulltíðarstarv, og sóknarpresturin er tænastumaður.
Føroya Stiftstjórn skrivar í lýsingini, at umsøkjarin má rokna við møguligum broytingum í kalli og starvi samsvarandi tænastumannalógini og lógini um fólkakirkjuna í Føroyum. Biskupur fer at gera eina skipan fyri embætið.
Lønin er samsvarandi semju dagfest 8. juni 2009 millum Fíggjarmálaráðið og Prestafelagið, har sóknarpresturin verður løntur í lønarflokki 37.
Embætið verður eftir ætlan sett 1. apríl 2020.
Í prestagjaldinum eru tvær kirkjusóknir: Havnar kirkja og Nólsoyar kirkja. Afturat kirkjunum eru onnur tænastustøð, tað eru stovnar, ellis- og røktarheim og sambýli.
Fýra prestar eru knýttir at prestagjaldinum. Tveir sóknarprestar, sjúkrahúspresturin og dómprósturin.
Eingin tænastubústaður er til embætið. Ætlanin er ikki at byggja prestagarð.
Umsøkjarar skulu hava lokið prógv í gudfrøði og lúka krøvini, ið lóggávan annars setir fyri at gerast prestur í fólkakirkjuni í Føroyum. Um ein umsøkjarar, ið ikki enn er prestvígdur, kann viðkomandi senda váttan frá pastoralseminarium saman við umsóknini.
Umsóknarfreistin er týsdagin 25. februar 2020, klokkan 12.
