Nú ætla suðuroyingar at seta ein samskipara í starv fyri at menna ferðavinnuna í oynni Tað eru kommunurnar í Suðuroy, sum nú eru samdar um at fara undir eitt veruligt átak fyri at menna ferðavinnuna í oynni.
Í hesum sambandi er ætlanin nú at seta ein ferðavinnusamskipara í starv, skal hava til uppgávu at fáa fleiri ferðafólk til Suðuroyar, bæði føroyingar og útlendingar, og at geva teimum eitt gott upplivilsi í oynni.
Samskiparin skal vera íbirtari til fleiri ferðavinnutilboð í Suðuroy og at tryggja bestu dygd í tilboðunum í oynni.
Hann skal eisini samskipa ferðavinnuátak í oynni og marknaðarføringina av oynni.
Ì hesum sambandi søkja tey eftir ferðavinnusamskipara, sum skal hava útbúgving í ferðavinnu, ella aðrar viðkomandi royndir ella útbúgving.
Talan er um eina verkætlan, sum gongur yvir trý ár og samskiparin skal virka í neyvum samstarvi við kunningarstovuna í Vági og á Tvøroyri.
Umsóknarfreistin er 16. juni.
