Bert ein dystur verður um vikuskiftið, og er tað brakið millum botn og odd, tá havnaliðið Fleyr fer til Sørvágs á vitjan. Skulu Sørvingar gera sær nakrar vónir um at vinna FM-heitið, og harvið greipuna, so er tað eitt ófrávíkiligt krav, at teir vinna heimadystin móti botnproppinum Fleyr.
Styrktir munandi
Tað verður tó ikki bara sum at siga tað. Hóast Fleyr var dragnað heilt nógv, so hevur liðið, síðan tað varð styrkt við trimum leikarum úr Fram, prógvað, at teir kunnu gera lívið súrt at liva hjá mótstøðumonnum sínum, og tað ætla teir sær ivaleyst aftur at gera hesaferð.
Vunnu seinastu uppgerð
Fyrsti dystur í seinnu hálvu av kappingini, tá Fleyr spældu ein av sínum fyrstu dystum við nýggja styrkinum, eydnaðist tað heldur óvæntað havnamonnum, at vinna móti SÍ. Úrslitið tá varð 3-2, og nærum sum eitt mynstur hevur hvør dystur, við bert einum undantaki, endað við einum javnbrótara, ið avgerandi fimta sett vanliga verður rópt.
Síðan hendan dystin í Havn, hevur tað ikki hilnast havnamonnunum eins væl, og hava teir verið óhepnir, ikki at hava fingið onkran sigur afturat, hálaðan niður í skjáttuna.
Dysturin um vikuskiftið hevur, orsakað av tøttu kappingini í oddinum, alstóran týdning fyri heimaliðið. Tí vinnur SÍ ikki, samstundis sum Mjølnir møguliga vinnur sínar írestandi dystir, ja so sær heilt væl út hjá klaksvíkingum úr Mjølni.
Dráttur skal døma
Hjá kvinnunum verður tað vágaliðið Dráttur, ið skal standa á síðulinjuni í dystunum um vikuskiftið, og har verður helst størsti spurningurin, um oddaliðini bæði, SÍ og ÍF megna at halda stimanum uppi.
ÍF vitjar í Kollafirði, og SÍ fær vitjan av TB. Aðrastaðni fær Mjølnir vitjan úr Havn, tá Fleyr koma á vitjan.
Dystirnar um vikuskiftið:
Hondbóltur
Atlantic Airways
Dagur Klokkan Dystur
02.03 16:00 Neistin-KÍF
02.03 16:00 StÍF-VÍF
Sunset
Dagur Klokkan Dystur
01.03 15:00 StÍF-VB
02.03 14:30 Neistin-VB
02.03 14:30 StÍF-VÍF
Flogbóltur
Meistaradeild, Kvinnur
Dagur Klokkan Dystur
02.03 14:00 KÍF-ÍF
02.03 14:00 Mjølnir-Fleyr
02.03 14:00 SÍ-TB
Meistaradeild, Menn
Dagur Klokkan Dystur
02.03 16:00 SÍ-Fleyr
