Seytjanda umfar í Effo-deildini verður seinnapartin. Bólturin fer á rull í øllum fimm dystunum klokkan 15.
Víkingur er topplið við 35 sitgum, og á næstu plássunum eru KÍ og NSÍ við ávikavíst 32 og 30 stigum.
Fyri einum ári síðani var KÍ oddalið við 38 stigum eftir sekstan umfør, og Víkingur var næstfremst við 31 stigum. Tá ið tað eftir 27 umfør varð sett punktum fyri kappingarárið, var Víkingur meistari við 61 stigum - eitt stig frammanfyri KÍ.
Í dag eiga Víkingur og NSÍ heimavøll og mugu roknast at vera favorittar ímóti ávikavíst HB og Suðringum. KÍ skal spæla við Margáir. Hóast EB/Streymur er á sjeynda plássi, meðan KÍ er á øðrum plássi, so kennist avbjóðingin vera stór hjá klaksvíkingum, sum altíð hava havt tað torført við Margáir.
B36 eigur heimavøll ímóti ÍF. Í árstalsfelagnum eru nógvir um boðið, og úrslitini hava lagað seg væl seinastu ferðirnar, meðan tað ikki sær so gott út í Fuglafirði.
Á Skála verður lyklauppgerð í stríðnum fyri at sleppa undan niðurflyting, tá ið 07 Vestsur verður gestur hjá Skála.
Víkingur-HB: Lars Müller
NSÍ-TB/FCS/Royn: Kári J. á Høvdanum
Skála-07 Vestur: Alex Troleis
EB/Streymur-KÍ: Rúni Gaardbo
B36-ÍF: Dagfinn Forná
Støðan undan seytjanda umfari
Víkingur 35
KÍ 32
NSÍ 30
B36 26
HB 21
TB/FCS/Royn 20
EB/Streymur 18
Skála 17
07 Vestur 11
ÍF 6
