Setanin av hesi stevnuni verður kl. 15 á Pállsoyruni mitt í bygdini. Talarar hesa løtuna verða Marni av Kák og Harald Haraldsen.
Um kvøldið verður so fyrsta møtið í missiónshúsinum, sum er skipað sum eitt Syngið-við-kvøld, har ymiskar sangbólkar luttaka, saman við góðum harmonikuspælarum.
Leygarmorgunin kl. 10 verður sangur, lovprísan og forbønartænasta og møti aftur kl. 19. Dagurin endar við einum møti, har ungdómur møtir ungdómi.
Sunnudagin verður sunnudagsskúli kl. 14, møti kl. 16 og aftur møti kl. 19:30. Millum hesi bæði seinastu møtini verður møguleiki at fáa sær ein heitan rætt, og tí er ikki neyðugt hjá fólki at fara til hús millum møtini.
Annars verða luttakarar úr øllum landinum, og fara hesi at syngja, tala og vitna á møtunum.
- Tað vísir seg at vera stórur tørvur á forbøn í dag, tí nógv fólk stríðast við ymiskum í tí dagliga. Tí hava vit sett leygardag fyrrapart av til sang, lovprísan og til forbøn, sigur Thomas Juul.
Við møtini verður eisini savnað inn, til missiónsarbeiðið og til arbeiðið sum verður gjørt millum tey fátæku í Rumenien.
