Tað er nú greitt, at russiska tjóðartingið helst fer at taka undir við forsetanum, Vladimir Putin, um ikki at leingja kjarnorkuvápnaavtaluna við USA.
Í dag hevur undirhúsið í russiska tjóðartinginum - Dumain - viðgjørt ynskið hjá forseta landsins um fyribils at seta avtaluna í eina bíðistøðu.
Sambært Reuters er væntandi, at tjóðartingið seinni í dag fer at taka undir við uppskotinum hjá forsetanum.
New Start er seinasta núverandi avtalan um kjarnorkuvápnaeftirlit millum USA og Russland.
Avtalan varð undirskrivað í 2010, sum ein leingjan av Start-avtaluni millum londini frá 1991.
Styttingin Start stendur fyri Strategic Arms Reduction Treaty, sum er avtalan um at minka um strategisku vápnini hjá londunum.
