Ein russiskur kavbátur hevur skotið tvær rakettir, sum kunnu løðast við kjarnorkuspreingingum. Sambært verjumálaráðnum í Moskva var kavbáturin staddur í Hvítahavinum, tá hann skjeyt rakettirnar.
Igor Konasjenkov í verjumálaráðnum sigur við tíðindastovuna Novosti, at alt gekk sum ætlað, og at rakettirnar raktu tað ásetta málið á Kamtjatkahálvoynni við Kyrrahavið.
Hetta er fjórðu ferð í ár, at kavbáturin Jurij Dolgorukij hevur roynt rakettir av slagnum 18 Bultava. Hetta eru rakettir, sum bera 8.000 kilometrar, og sum kunnu bera fleiri kjarnorkuløðingar. Jurij Dolgorukij er serbygdur við kjarnorkurakettir, skrivar Novosti.
