Myndin hjá evropeisku Copernicus-tænastuni í dag vísir, hvussu roykur frá stórum eldum í Indonesia breiðir seg um stór øki í Landsynningsasia.
Langvarandi turrveður hevur elvt til álvarsligar eldar í pørtum av Indonesia. Roykurin er síðani farin við vindinum til onnur øki, millum annað grannalandið Malaysia, har versnandi luftgóðskan hevur havt við sær, at skúlar eru latnir aftur.
Myndin byggir á upplýsingar frá Copernicus Atmosphere Monitoring Service, CAMS, og vísir støðuna 25. august. Tey myrkastu lilla økini vísa, hvar mestur roykur var í atmosferuni.
Myndin er gjørd við nýggju Fire Emissions Watch App, sum ger tað møguligt at fylgja við eldum og útlátinum frá teimum.
CAMS fylgir nærum í veruligari tíð við luftgóðsku og samansetingini av atmosferuni og kann eisini rokna út, hvussu roykur frá skógareldum verður fluttur við luftini.
Upplýsingarnar kunnu millum annað brúkast, tá myndugleikar skulu ávara fólk um vandamikla luftdálking, taka støðu til at lata skúlar og arbeiðspláss aftur og meta um, hvussu nógv fólk verða ávirkað av fínum bitlum í luftini.
Keldan er dagsins Copernicus-mynd, dagfest 27. august 2026
